Concurso: "Confección dun Anagrama para o Deporte Municipal"
O Concello de Xove, consonte ao previsto na Lei 38/2003, de 17 de novembro, Xeral de Subvencións, Lei 9/2007, de 13 de xuño, de Subvencións de Galicia, e no que sexa de aplicación, os RD 887/2006, de 21 de xullo e Decreto 11/2009, de 8 de xaneiro, e ao obxecto de incentivar a participación cidadá no deseño de logos institucionais, establece as normas reguladoras da participación, as axudas económicas e dos premios que se outorgarán aos participantes que interveñan nos citados actos, de acordo coas seguintes BASES REGULADORAS....
BASES REGULADORAS
PRIMEIRA.- DEFINICIÓN DO OBXECTo.- Constitúe o obxecto das presentes bases a regulación do procedemento aplicable para o outorgamento do premio do concurso de deseño dun anagrama, logo ou similar do Deporte Municipal organizado polo Concello de Xove.
SEGUNDA.- REQUISITOS DOS PARTICIPANTES.- Poderá participar no concurso e ser beneficiario deste premio calquera persoa que practique algunha modalidade deportiva dentro das diferentes Asociacións Deportivas inscritas no Rexistro Municipal de Asociacións así como nas Escolas Deportivas Municipais.
A documentación a presentar será a seguinte:
- - Ficha de inscrición establecida ao efecto con número de Rexistro.
- - Fotocopia do DNI do autor-a
- - Certificación expedida pola asociación deportiva ou departamento de deportes do Concello (no caso das Escolas Municipais) no que conste que o participante está rexistrado como socio.
- - Anagrama, logo ou similar en formato impreso e/ou dixital.
- - Ficha Técnica (breve descrición do logo ou anagrama)
- - No caso de participantes menores de idade, deberase entregar ademais unha fotocopia do DNI do pai/nai/titor-a.
TERCEIRA.- NORMAS DE ELABORACIÓN DO ANAGRAMA OU LOGO.
- Temática: O anagrama, logo ou similar deberá estar relacionado coa Actividades Física e o Deporte.
- Os deseños deberán ser orixinais e inéditos realizados polos propios participantes. En ningún caso se aceptarán deseños copiados ou realizados por persoas distintas das participantes. No caso de que a organización comprobe algunha irregularidade na presentación dos deseños (copias ou non autoría) suporá a inmediata eliminación do participante no concurso.
- Cada participante poderá entregar un único deseño.
REQUISITOS DESEÑOS PRESENTADOS EN PAPEL:
- Máximo 4 cores
- Tamaño máximo formato impreso: 50x40cm
REQUISITOS DESEÑOS PRESENTADOS EN FORMATO DIXITAL:
- Mínimo 300 puntos por polgadas.
CUARTA.- COMPOSICIÓN DO XURADO
O xurado estará composto por dous membros de cada unha das Asociacións Deportivas Inscritas no Rexistro Municipal, así como os representantes da Xunta de Goberno Local do Concello de Xove.
QUINTA.- CRÉDITO ORZAMENTARIO
A contía máxima destinada ao presente premio é de 100€ (partida 341.481 do Estado de Gastos do Orzamento Municipal para 2014)
SEXTA.- PREMIO
Haberá unha única categoría.
O premio consistirán nun lote de libros, material escolar ou deportivo valorado en 100 euros.
O autor cederá tódolos seus dereitos sobre a súa obra ao Concello de Xove. O anagrama, logo ou similar premiado será seleccionado como Logo institucional do Deporte do Concello de Xove.
SÉTIMA.- PROCEDEMENTO DE ENTREGA DE PREMIOS
Unha vez rematado o prazo de entrega, o xurado reunirase durante o mes de Xuño e levantará acta na que conste o premiado.
Sobre a acta do xurado, emitirase informe-proposta polo responsable do Departamento de Deportes do Concello de Xove, que se elevará á Xunta de Goberno Local, órgano competente para a concesión dos premios.
O fallo do xurado darase a coñecer durante a semana na que se realice a presentación da Iª GALA DO DEPORTE DO CONCELLO DE XOVE.
A entrega do premio ao gañador farase coincidir coa celebración de dita Gala.
OITAVA.- PROTECCIÓN DE DATOS DE CARÁCTER PERSOAL
A presentación da ficha de inscrición supón a aceptación incondicional das presentes bases e das condicións, requisitos e obrigas contidas nestas.
A concorrencia ao proceso de concesión de subvencións implicará a manifestación tácita do consentimento inequívoco ao tratamento de datos de carácter persoal e a súa publicación de acordo co previsto na Lei Orgánica 15/99, de 13 de decembro, de Protección de datos de carácter persoal. A finalidade da recollida e tratamento dos datos persoais será estritamente á xestión e tramitación do expediente correspondente.
DISPOSICIÓN FINAL.-As presentes Bases permanecerán en vigor para os vindeiros exercicios en tanto en canto non se chegue a un acordo entre xurado na elección do anagrama, ou non se acorde a súa modificación ou derogación expresas.
A Xunta de Goberno Local, por unanimidade en votación ordinaria acorda:
- 1º.- Aprobar as bases reguladoras da concesión de Premios do Concurso de Confección de un anagrama para o deporte municipal, así como a convocatoria para o exercicio 2014
- 2º.- Autorizar o gasto de 100,00 euros con cargo á partida 341.481 do Estado de Gastos para o exercicio de 2014.
- 3º.- Ordear a súa publicación na páxina web municipal e mediante anuncios no taboleiro de anuncios do concello ou calquera outro medio.
- 4º.- Aproba-la convocatoria do concurso de referencia, nos termos e condicións que a seguir se relacionan:
CONVOCATORIA PARA A CONCESIÓN DE PREMIOS DO CONCURSO DE CONFECCIÓN DUN ANAGRAMA PARA O DEPORTE MUNICIPAL
O Concello de Xove, dentro do marco das competencias que ten atribuídas pola lexislación vixente ten como obxectivo potenciar a participación cidadá no deseño de logos institucionais, e realiza para tal fin a convocatoria de premios do Concurso de Confección de un anagrama para o deporte municipal, coas seguintes especificacións:
1.- Entidade adxudicadora
a.- Organismo: Xunta de Goberno Local do Concello de Xove
b.- Departamento que tramita o expediente: Concellería de Deporte
2.- Obxecto
Concesión de premios do concurso de confección de un anagrama para o deporte municipal
3.- Orzamento e tramitación anticipada do gasto
A contía máxima prevista destinada aos presentes premios é de 100,00 €, con cargo á partida 341.481 do Estado de Gastos do Orzamento Municipal.
4.- Contía dos premios
Haberá unha única categoría.
O premio consistirán nun lote de libros, material escolar ou deportivo valorado en 100 euros.
O autor cederá tódolos seus dereitos sobre a súa obra ao Concello de Xove. O anagrama, logo ou similar premiado será seleccionado como Logo institucional do Deporte do Concello de Xove.
5.- Requisitos dos participantes
Poderá participar no concurso e ser beneficiario deste premio calquera persoa que practique algunha modalidade deportiva dentro das diferentes Asociacións Deportivas inscritas no Rexistro Municipal de Asociacións así como nas Escolas Deportivas Municipais.
A documentación a presentar será a seguinte:
- Ficha de inscrición establecida ao efecto con número de Rexistro.
- Fotocopia do DNI do autor-a
- Certificación expedida pola asociación deportiva ou departamento de deportes do Concello (no caso das Escolas Municipais) no que conste que o participante está rexistrado como socio.
- Anagrama, logo ou similar en formato impreso e/ou dixital.
- Ficha Técnica (breve descrición do logo ou anagrama)
- No caso de participantes menores de idade, deberase entregar ademais unha fotocopia do DNI do pai/nai/titor-a.
Toda esta documentación entregarase no Rexistro de Entrada do Concello de Xove coa data límite do 31 de maio de 2014 inclusive.
6.- Procedemento de entrega de premios
Unha vez rematado o prazo de entrega, o xurado reunirase durante o mes de Xuño e levantará acta na que conste o premiado.
Sobre a acta do xurado, emitirase informe-proposta polo responsable do Departamento de Deportes do Concello de Xove, que se elevará á Xunta de Goberno Local, órgano competente para a concesión dos premios.
O fallo do xurado darase a coñecer durante a semana na que se realice a presentación da Iª GALA DO DEPORTE DO CONCELLO DE XOVE.
A entrega do premio ao gañador farase coincidir coa celebración de dita Gala.
8.-Outras informacións. Concelleira de Deporte e Turismo. Tlfo. 982.59.20.01